Gloppen Røde Kors
Våre frivillige driv omsorgsaktivitetar og rednings- og beredskapsarbeid for å hjelpe, trygge og støtte medmenneske i lokalsamfunnet. Bli med du òg, så gjer me Gloppen endå betre - saman.
- Adresse
- Grandavegen 16, 6823 SANDANE
- Telefon
- 47303240
- E-post
- mmindresunde@gmail.com
- Leder
- Merete Mindresunde
- Nestleder
- Johannes Nedrebø
Vårt mandat
Røde Kors er ein internasjonal organisasjon som arbeider for å avdekkje, hindre og lindre naud. I Gloppen Røde Kors tar me dette ned på lokalplan ved å forebygge og respondere for å redde liv, og gje tilbod om sosial kontakt og støtte til dei som treng det. Vil du vite meir om kva det inneber i praksis? Les om dei ulike aktivitetane våre i menyen under, eller besøk vår Facebook-side.
Mykje av det vi tar for gitt her i landet er bygd på frivilligheit, og det gjeld i høgste grad også Gloppen Røde Kors.
Me treng frivillige. Me treng deg! Bli ein del av fellesskapen vår, og kjenn på gleda ved å hjelpe andre.
Alternativt kan du bli medlem, og på den måten mogleggjere vårt arbeid gjennom di støtte. Eit ordinært medlemskap kostar 300 kroner pr. år, eller 150 kroner for deg under 26 år.
Gloppen Røde Kors Hjelpekorps er frivillig samfunnsberedskap i praksis. Me er klare til å rykkja ut med personell og redningsmateriell når behovet oppstår.
Me kan òg halde førstehjelpsvakt ved idrettsstemne, festivalar, konsertar og liknande. Eller som her, på fylkestreffet for russen i 2019, drive forebyggjande, praktisk informasjonsarbeid.
Som frivillig i Gloppen Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser. Me kallar det verdas beste hobby.
Gloppen Røde Kors Hjelpekorps dekker heile Gloppen kommune, men Hyen har sin eigen avdeling.
For meir informasjon, ta kontakt med:
Hjelpekorpsleiar Susanne Merkesdal Gåsemyr
E-post: susanne.gasemyr@gmail.com
Telefon: 40467614
Post: Pb 207, 6821 Sandane
Hjelpekorps: Meir informasjon
Vår besøksteneste gir gjennom aktiviteten «besøksvenn» eit tilbod til menneske i lokalmiljøet som av ulike grunnar ønskjer nokon å snakke med. Pr. i dag er tilbodet avgrensa til felles treff, men vi håpar å til ein-til-ein besøk etterkvart, og er difor alltid interessert i å høyre frå nye, potensielle frivillige.
Vil du bli besøksvenn?
Som besøksvenn kjem du i kontakt med menneske som har behov for kontakt med andre menneske, og du bidreg til å gjere kvardagen lettare for einsame i alle aldrar. Besøksvennane driv ikkje oppsøkande verksemd, men besøkjer dei som ønskjer det.
Ønskjer du ein besøksvenn?
Ein besøksvenn kjem heim til deg og slår av ein prat, tar ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Vi kjem dit du er.
Vi har ein godkjend besøksvenn med hund i Gloppen Røde Kors, og håpar etterkvart å kunne tilby denne tenesta.
For meir informasjon, ta kontakt med:
Lokalforeiningsleiar Merete Mindresunde
E-post: mmindresunde@gmail.com
Telefon: 47303240
Eldrekaféen er eit nytt tilbod frå Gloppen Røde Kors. Vi arragerte to treff, med godt oppmøte, før vi måtte sette aktiviteten på pause grunna korona-restriksjoner. Tanken er å halde opent ein gong i månaden frå hausten 2020.
For meir informasjon, følg med på vår Facebook-side, eller ta kontakt med:
Lokalforeiningsleiar Merete Mindresunde
E-post: mmindresunde@gmail.com
Telefon: 47303240
Ein nattevandrar bidrar til å skape eit tryggare gatebilde og gir ungdommen eit betre utemiljø å ferdast i.
Meininga med nattevandring er at det skal vere voksne, edru menneske til stades ved spesielle arrangement kvelds- og nattestid. Me skal vere gode forbilde, og me skal skape tryggleik ved å vere synlege. At me er til stades, til dømes på russetreff, har ein dempande effekt, og me får tilbakemeldingar frå ungdommen om at dei er glade for at me er til stades.
Nattevandring skjer i samarbeid med Frivillegsentralen og Gloppen ungdomsskule.
For meir informasjon, ta kontakt med:
Lokalforeiningsleiar Merete Mindresunde
E-post: mmindresunde@gmail.com
Telefon: 47303240
Nattevandring: Meir informasjon