Svelgen-Bremanger Røde Kors

Svelgen-Bremanger Røde Kors Hjelpekorps er frivillig samfunnsberedskap i praksis. Vi er klare til å rykkje ut med både redningsmateriell og personell dersom behovet oppstår.

Svelgen-Bremanger Røde Kors kan òg stille med sanitetsvakt på idrettsstemne, festivalar, konsertar og liknande.

Nokon kallar det verdas beste hobby. Sjekk ut kva dei snakkar om!

Bli med i hjelpekorpset.

Les om Jonas Myklebust si reise frå RØFF til leiarvervet i hjelpekorpset. 

For meir informasjon, ta kontakt med:
Hjelpekorpsleiar Jonas Myklebust 
E-post: jonas.myklebust@rodekors.org
Telefon: 94891932

Hjelpekorps: Meir informasjon

Vår besøksteneste gir gjennom aktiviteten «besøksvenn» eit tilbod til menneske i lokalmiljøet som av ulike grunnar ønskjer nokon å snakke med.

Vil du bli besøksvenn?
Som besøksvenn kjem du i kontakt med menneske som har behov for kontakt med andre menneske, og du bidreg til å gjere kvardagen lettare for einsame i alle aldrar. Besøksvennane driv ikkje oppsøkande verksemd, men besøkjer dei som ønskjer det.

Ønskjer du ein besøksvenn?
Ein besøksvenn kjem heim til deg og slår av ein prat, tar ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Vi kjem dit du er.

Omsorgseininga i Svelgen-Bremanger Røde Kors driv aktiviteten «Handlefellesskap» mot einsemd, i samarbeid med Spar i Kalvåg.

Kvar veke vert sambygdingar som har vanskar med å komme seg rundt på eiga hand, henta av frivillige i Røde Kors Omsorg, for å handle på Spar i Kalvåg. Butikken spanderer kaffi og noko å bite i, og når deltakarane ikkje spankulerer med handlekorga mellom joikakaker og sitronhalvmåner, sit dei og pratar saman.

Aktiviteten er svært populær og oppmøtet tyder på at det er behov for eit slikt tilbod. Om dette er noko du kunne tenke deg å bidra til, har vi alltid rom for frivillige.

Har du lyst å bli med i Handlefellesskapen, eller kjenner du noen som kunne hatt behov for å bli med?

Du kan lese meir om Handlefellesskapen her.

RØFF er eit tilbod til ungdom mellom 13 og 17 år som likar friluftsliv og ønskjer å ha ein aktiv livsstil.

Ved å delta i spennande, morosame og utfordrande aktivitetar får medlemene innsikt i arbeidet og verdiane til Røde Kors, i tillegg til trygg opplæring i førstehjelp og redning. RØFF lærer ungdom å ta vare på seg sjølv ute i naturen, å hjelpe andre, og å vise god dømmekraft.

Nokon gonger vert det vanskeleg å møtast fysisk, og då er det fint med initiativrike ungdomar som veit råd. Her kan du lese om kva me gjorde i Svelgen-Bremanger Røde Kors då koronaen stoppa den ordinære aktiviteten.

RØFF: Meir informasjon

Alle ungdommar treng fritidsaktivitetar der dei kan vere seg sjølve, og oppleve fellesskap og tilhøyrsle.

Svelgen-Bremanger Røde Kors Ungdom organiserer difor aktiviteten Treffpunkt for å gi lokale ungdommar ein møteplass der dei kan bli kjende med andre ungdommar og skape relasjonar. Aktiviteten er meint å førebygge og hindre utanforskap blant ungdom. I tillegg har aktiviteten mål om at ungdom sjølv skal få vere med å utforme og gjennomføre aktiviteten i tråd med ung-til-ung prinsippet.

Gjennom å organisere sosiale treffpunkt (møteplassar, turar, kino og liknande) ønsker Røde Kors Ungdom å bidra til sosial inkludering og å skape gode inkluderingsprosesser blant ungdom i Svelgen-Bremanger. Treffpunkta våre er av, for og med ungdom frå 13-30 år Vil du vere med?

For meir informasjon, ta kontakt med:
Leder Svelgen-Bremanger Røde Kors Ungdom
Ingrid Frimannslund Blix
E-post: blixingrid@gmail.com
Telefon: 57795989