Årdal Røde Kors

Årdal Røde Kors Besøksteneste gir eit tilbod til menneske som kjenner på einsemda. Me kallar det "besøksvenn".

Vil du bli besøksvenn?
Som besøksvenn får du kontakt med menneske som av ulike grunnar ønskjer nokon å snakke med. Du besøker dei der dei bur, og saman bestem dykk kva de vil gjere. Hugs at det enkle ofte er det beste, og ein vekentlig kaffikopp med ein besøksvenn har ein verdi som vanskelig lèt seg måle.

Besøksvennane lagar òg felles sosiale møteplassar som til dømes julemessa til Årdal  Røde Kors og Nedre Årdal kyrkjering.

Nokon gonger kan fysiske besøk vere vanskeleg å gjennomføre, men det finnes alltid ein råd. Då korona-restriksjonar stoppa besøkstjenesta, var me i Årdal Røde Kors på plass med eit tilpassa tilbod. Les meir om kva me gjorde her.

Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffikopp eller blir med på tur. Det speler inga rolle om du er ung eller gamal, om du bur heime eller på institusjon. Me veit at einsemd kan råke alle.

For meir informasjon, ta kontakt med:
Omsorgsleiar Patricia Diane Seglem Lægreid
E-post: ardalsrk@gmail.com
Telefon: 91879729

I tett samarbeid med tilflyttarkontoret ved Hanne Stedje og Kyrkja i Årdal arrangerer me Internasjonal Kafé. Dette skal vera ein triveleg møteplass for å praktisera norsk og bli kjend med fleire mennesker. Samlingane tek stad i våre lokalar i 2.etasje over Kiwi på Årdalstangen, eller i Kyrkjelydshuset på Årdalstangen, alt avhengig av kor store arrangement me er med på.

I år har me hatt fire samankomstar, to i våre egne lokalar og to i Kyrkjelydshuset. I sommar har me planar å ha nokre samankomstar ute, gjerne på tur i nærområdet slik som i fjor.

Me kunne ha skrive så mykje meir om dei to største og mest minnerike samankomstane me har hatt, så me blir glade om de tek dykk tid til å lese meir om det på vår Facebookside.

På årets første samling hadde me Bingo! Dette var ein veldig kjekk aktivitet me vil gjera fleire gonger.

Den andre samlinga var 24.februar, da tok me del i fredsmarkering for Ukraina. Initiativet og organiseringa av det heile var det Hanne Stedje ved tilflyttarkontoret som sto for.

Det heile starta med ei verdig fredsgudstjeneste i Årdal Kyrkje, der fleire frå Ukraina var involvert i gjennomføringa. Deretter samlast me i Kyrkjelydshuset der det vart servert nydeleg mat av våre ukrainske venner. Me fekk sjå ein video av kor store ødeleggelsar krigen har gjort med det nydelege landet deira. Denne kvelden i Kyrkjelydshuset var det me som var gjester, å våre driftige venner frå Ukraina sto for opplegg og servering.

23.mars hadde me bortimot 40 stk på Internasjonal Kafé i våre egne lokalar! Der serverte våre ukrainske venner Paska! Elles hadde me kjekk påskeaktivitet for store og små!

Frigjeringsdagen 8.mai vart heilt spesiell takka vera ein aldeles strålande laginnsats frå veldig mange involverte. Vår lagleiar ved tilflyttarkontoret, Hanne Stedje gjorde igjen ein kjempejobb for å få alt dette til!

Årdal Sogelag hadde omvising i brakka i Saltviki og fortalte historia om dei sovjetiske fangane sin innsats for Årdalssamfunnet vårt og kva betydning det har for oss i dag. Elena Reseland var ein suveren tolk! Fungerande ordførar Anne Kauppi og Årdalstangen Musikklag gjorde kransnedlegginga ved krigsgrava til ei verdig og rørande oppleving, vår ukrainske venn Nina Isaieva leste namna på dei som gav livet sitt for fred og velstand i Årdal. Me avslutta med Internasjonal kafé i Kyrkjelydshuset der både nye og gamle årdølar møtte opp. Judith Solheim hadde laga rømmegrauten som vart servert, i tillegg til spekemat, flatbrød og heimelaga potetsalat av Hanne!

Informasjon om datoar og ny aktivitet blir lagt ut på  Facebook-sidene til Årdal i Sogn Røde Kors og på Ny i Årdal-sida.

Ynskjer du å vera med som frivillig , ta kontakt med Veronica:
E-post : verojohs@yahoo.no
Telefon: 95299793 

Årdal i Sogn Røde Kors er i ferd med å etablere Barnas Røde Kors til glede for små Årdølinger. Følg med for meir informasjon.