Eid Røde Kors

Eid Røde Kors Hjelpekorps er frivillig samfunnsberedskap i praksis. Vi vert kalla ut av politiet ved større ulukker, naturkatastrofar og når nokon vert meldt sakna. Som hjelpekorps er vi i kontinuerleg beredskap, og kan på kort varsel rykke ut for å delta i søk og redningsaksjonar til lands og til vanns, som til dømes etter raset i Jølster i 2019.

Hjelpekorpset i Eid Røde Kors er ein læringsarena der alle skal få dei utfordringane dei ynskjer, i eit trygt miljø. Difor tar vi trening på alvor, og vi gjennomfører jamleg større og mindre øvingar.

Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp.

Mange hjelpekorpsere beskriv det dei driv med som verdas beste hobby. Og veit du kva? Vi har alltid rom for fleire frivillige.

Bli med i hjelpekorpset!

For meir informasjon, ta kontakt med:
Operativ leiar Daniel Kriken
E-post: kriken.daniel@outlook.com
Telefon: 91881308

Hjelpekorps: Meir informasjon

Eid Røde Kors besøksteneste gir eit tilbod til menneske som ønskjer meir kontakt med andre menneske. 

Vil du bli besøksvenn?

Rundt om i landet finst det fleire tusen frivillige som besøker menneske både i private heim og på institusjonar. Dei fleste besøksvenner har éin person dei besøker fast, som regel ein time eller to i veka. Som besøksvenn i Eid Røde Kors får du kontakt med menneske som av ulike grunnar ønskjer nokon å snakke med, og du bidreg til å gjere kvardagen lettare for einsame i alle aldrar.

Ønskjer du ein besøksvenn?

Ein besøksvenn kjem heim til deg og slår av ein prat, tar ein kaffekopp, eller blir med på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.

For meir informasjon, ta kontakt med:
Omsorgsleiar Kari Rygg Fjørstad
E-post: kariryggfjrstad@gmail.com
Telefon: 57860806

Eid Røde Kors arrangerer internasjonal kafé på Kringla (Frivilligsentralen), kvar torsdag mellom 18:00 og 20:00. Føremålet er å inkludere alle, og spesielt dei som har kome hit utanfrå. Her møtest folk frå fjern og nær for å prate, ta ein kaffekopp og spele spel eller arrangere quiz. Vi har erfart at dei enkle aktivitetane er ofte dei beste, og over ei lett servering går praten ofte livleg. Vi gjer òg eit poeng av at vi skal snakke norsk i så stor grad som mogleg.

Du er hjarteleg velkomen, enten som gjest eller som frivillig. Vi har alltid rom for båe.

Gjennom nærvær bidreg nattevandrarar til eit tryggare gatebilde, og dei gir ungdommen eit betre utemiljø å ferdast i.

Meininga med nattevandring er at det skal vere edru menneske til stades i gatebildet på kvelds- og nattestid. Vi skal vere gode forbilde, og vi skal skape tryggleik i sentrum ved å vere synlege. At vi er til stades har ein dempande effekt, og vi får tilbakemeldingar frå ungdommen sjølv om at dei er glade for at vi er til stades. Vi får også mange gode tilbakemeldingar fra både politi og handelsstanden om at vi gjer ein viktig jobb. Det blir mindre hærverk i sentrum og færre uønskte episodar.

Vi vil gjerne ha deg med som nattevandrar.

Vil du bli frivillig?

For meir informasjon, ta kontakt med:
Lokalforeiningsleiar Dag Sætren
E-post: dag.satren@gmail.com
Telefon: 98053080

Nattevandring: Meir informasjon

Eid Røde Kors har gleda av å kunne tilby RØFF til ungdom mellom 13–17 år.

Deltakarane i RØFF får livsviktig kunnskap om førstehjelp og ferdsel i naturen, slik at dei kan hjelpe venner og familie viss uhellet skulle vere ute. Det er òg eit supert alternativ for dei som ønsker eit spanande og aktivt fritidstilbod.

Kva som skjer i RØFF-gruppa, er mykje opp til deltakarane, fordi RØFF først og fremst blir drive av ungdomen sjølv. Det er sjølvsagt vaksne som hjelper til, men det er ungdomane som bestemmer kva RØFF skal vere. RØFF ligg under hjelpekorpset, og mange RØFF-arar blir rekrutterte til hjelpekorpset når dei blir gamle nok.

For meir informasjon, ta kontakt med:
Sølve Kiviranta
E-post: solve.unni@gmail.com
Telefon: 90057791

For meir informasjon om RØFF, sjå her.

Eid Røde Kors tilbyr førstehjelpskurs til næringsliv og organisasjoner.
Ved interesse, ta kontakt med:
Harald Kvame Hansen
E-post: mkvameha@online.no
Telefon: 98649364