Hyllestad Røde Kors
Hyllestad Røde Kors har i dag tre aktive avdelingar; Omsorgstjenesta, Hjelpekorpset og Flyktningvenn. Lenger ned på sida kan du lese meir om desse.
- Adresse
- C/O Hildegunn Hatlem, Åfjordvegen 407, 6958 SØRBØVÅG
- Telefon
- 95889997
- E-post
- hildegunn.hatlem@rodekors.org
- Leder
- Hildegunn Hatlem
- Nestleder
- Eilev Strandos
Vårt mandat
Vi har eit mål om å forebygge og respondere for å redde liv, trygge lokalsamfunnet og gje tilbod om sosial kontakt og støtte til dei som treng det mest.
Vil du vite meir om oss? Hyllestad Røde Kors si Facebook-side er ei side for gamle og nye medlemmar, men det er òg ei side for dei som ønsker å følge med på våre aktivitetar. Besøk vår Facebook-side her.
Hyllestad Røde Kors er glade og takknemlige for dei som ønsker å vere med i laget, og bruke litt av fritida si til å hjelpe medmennesker og gjere ei forskjell i lokalsamfunnet vårt.
Vi har en god blanding av frivillige med lang og kort fartstid, men vi har eit stort behov for fleire. Har du lyst å bli med, er du hjarteleg velkommen.
Eller kanskje du vil bli medlem, og gjere arbeidet vårt mogleg gjennom di støtte? Eit ordinært medlemskap kostar 300 kroner pr. år, eller 150 kroner om du er under 26 år. Trykk på knappen under for medlemmskap (både for aktive medlemmar og for dei som ønsker å vere støttemedlemmar).
Spørsmål kan rettast til Hildegunn Hatlem (leiar), Linn Christin Fløholm (leiar hjelpekorps), Kjartan Solheim (operativ leiar hjelpekorps), Ann-Lise Birkeland (omsorgsleiar), Jan Arvid Støyva (kontaktperson Flyktningvenn), eller Karine Hatlem Rønneseth (skrivar og medlem av hjelpekorpset).
Hyllestad Røde Kors Hjelpekorps vart truleg stifta i 1979, etter ein leiteaksjon her i kommunen. Sidan den gong har frivillige i Hyllestad og områda rundt, lagt ned tallause timar for di tryggleik.
Hjelpekorpsa i Hyllestad og Lavik har hatt ein samarbeidsavtale i nokre år, men etter årsmøtet i 2024, vart Lavik hjelpekorps avvikla. I praksis vart dei som framleis var aktive der, medlem av Hyllestad hjelpekorps, der Linn Christin Fløholm held fram som leiar.
Eksempel på aktivitetar i hjelpekorpset: Søk og redning (i kommunen eller i nabokommunane), sanitetsvakt på ulike arrangement etter forespørsel. Vi stiller gjerne på stand ved lokale arrangement.
For hjelpekorpset er det viktig med øving. Her frå øving på søk i terreng på Nesje. Foto: Hyllestad Røde Kors
Som frivillig i Hyllestad Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa dine interesser. Hjelpekorpset si grunnopplæring består av førstehjelpskurs, søk og redning, samband og kunnskap om Røde Kors. Du kan òg spesialisere deg innan fleire ulike innsatsområder.
Ja, eg vil bli med i Hjelpekorpset
For meir informasjon, ta kontakt med:
Lokalforeiningsleiar Hildegunn Hatlem, E-post: hildegnn.hatlem@rodekors.org, Telefon: 95889997
Operativ leiar: Kjartan Solheim
E-post: kjartan.solheim56@outlook.com
Telefon: 47374797
Generell informasjon om Hjelpekorpset finn du her.
Hyllestad Røde Kors Omsorg vart oppretta i 2017.
Eksempel på aktivitetar i omsorgstjenesta: besøksvenn, sosiale samlingar på Eiklund med ymse program og aktivitetar, tur i nærområdet og utdeling av julegleder.
Hyllestad Røde Kors Omsorg har også demens- og seniorkor på Hyllestad omsorgssenter Eiklund.
Omsorgstjenesten i Hyllestad Røde Kors har eit godt samarbeid med Eiklund og med Hyllestad Kommune.
Gjennom aktiviteten «Besøksvenn» gir vi eit tilbod til menneske i lokalmiljøet som av ulike grunnar ønskjer nokon å snakke med.
Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.
Har du spørsmål, ta kontakt med omsorgsleiar Ann-Lise Birkeland, telefon 57788802
Generell informasjon om besøksvenn finn du her.
I 2022 vart det oppretta ei avdeling under Hyllestad Røde Kors som fekk navnet Flyktningguide. Hyllestad Røde Kors fekk forespørsel frå kommunen om å bistå som ein samarbeidspartanar når kommunen skulle ta i mot flyktningar. Kommunen skulle då hovedsakleg ta i mot flytningar frå Ukraina, men òg frå andre land. I 2023 vedtok styret i Hyllestad Røde Kors å endre navn på avdelinga frå "Flyktningguide" til "Flyktningvenn". Jan Arvid Støyva og Ann-Lise Birkeland er kontaktpersoner frå Hyllestad Røde Kors. I Hyllestad er det mange innbyggjera som vil bidra som flyktningvenn, men vi har framleis behov for fleire frivillige. Ein flyktningvenn fungerar som ein ekstra ressurs for ein familie som kjem til Hyllestad som flyktningar.
Førjulssamling der det blant anna vart utdelt refleksvester. Desember 2023.
Det vart delt ut refleksvest på skulen til dei som ikkje kunne vere med på samlinga i Leirvika.
Om du ønsker meir informsjon, ta kontakt med Jan Arvid Støyva eller Ann-Lise Birkeland.