Jølster Røde Kors
Våre frivillige driv omsorgsaktivitetar og rednings- og beredskapsarbeid for å hjelpe, trygge og støtte menneske i lokalsamfunnet. Med di hjelp kan me gjere ein endå større innsats for fellesskapet
- Adresse
- c/o Inge Erikstad, 6843 Skei i Jølster
- Leder
- Inge Erikstad
- Nestleder
- Jeanette Øvsthus
Vårt mandat
I Jølster Røde Kors har me eit mål om å forebygge og respondere for å redde liv, trygge lokalsamfunnet og gje tilbod om sosial kontakt og støtte til dei som treng det mest - noko me vart testa ettertrykkeleg på etter raset i Jølster i 2019. Vil du vite meir om kva me gjer i det daglege? Les om aktivitetane våre i menyen under, eller besøk Jølster Røde Kors Hjelpekorps si Facebook-side.
Har du litt tid til overs, og sitt du med eit ønskje om å engasjera deg lokalt? Då har me løysinga for deg. Bli frivillig i Jølster Røde Kors, og føl på gleda ved å hjelpe andre. Eller kanskje du vil bli medlem, og gjere arbeidet vårt mogleg gjennom di støtte? Eit ordinært medlemskap kostar 300 kroner pr. år, eller 150 kroner om du er under 26 år.
Jølster Røde Kors gir gjennom aktiviteten «Besøksvenn» eit tilbod til menneske i lokalmiljøet som av ulike grunnar ønskjer nokon å snakke med.
Vil du bli besøksvenn?
Rundt om i landet finst det fleire tusen frivillige som besøker menneske både heime og på institusjonar. Som besøksvenn kjem du i kontakt med dei som har behov for kontakt med andre menneske, og du bidreg til å gjere kvardagen lettare for einsame i alle aldrar. Dei fleste besøksvenner har éin person dei besøker fast, som regel ein time eller to i veka.
Besøksvennane steller òg i stand felles sosiale møteplassar, som til dømes den tradisjonelle Sommarkaféen på Skei, eller den meir ad hoc-prega minikonserten på Vassenden omsorgssenter. Besøkstenesta utviklar seg stadig, og det finst mange moglegheiter om du vil bli med på laget.
Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.
For meir informasjon, ta kontakt med:
Omsorgsleiar Else Drageset
E-post: else.d.gjesdal@enivest.net
Telefon: 97593228
Besøksvenn: Meir informasjon
Jølster Røde Kors Hjelpekorps er frivillig samfunnsberedskap i praksis. Me vert kalla ut av politiet ved større ulukker, naturkatastrofar og når nokon vert meldt sakna. Som Hjelpekorps er me i kontinuerleg beredskap, og kan på kort varsel rykke ut for å delta i søk og redningsaksjonar til lands og til vanns, som til dømes etter raset i Jølster i 2019.
Hjelpekorpset i Jølster Røde Kors er ein læringsarena der alle skal få dei utfordringane dei ynskjer, i eit trygt miljø. Difor tar me trening på alvor, og me gjennomfører jamleg større og mindre øvingar.
Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp.
Som frivillig i Jølster Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser. Trivast du utandørs i norsk natur? Då er Hjelpekorpset staden for deg.
Eg vil bli med i Hjelpekorpset.
For meir informasjon, ta kontakt med:
Hjelpekorpsleiar Einar Helge Hansen
E-post: eihhanse@online.no
Telefon: 494171177
Generell informasjon om Hjelpekorpset finn du her.