Lærdal Røde Kors

Lærdal Røde Kors Hjelpekorps står på kommunens beredskapsplan og vert kalla ut av politiet ved større ulukker, naturkatastrofar eller når nokon er meldt sakna. Hjelpekorpset er i kontinuerleg beredskap og kan på kort tid rykke ut med personell og redningsmateriell for å delta i søk og redningsaksjonar.

Lærdal Røde Kors kan òg halde sanitetsvakt ved idrettstemne, festivalar, konsertar og likande. Dette har me god erfaring med gjennom til dømes sykkelløpa om sommaren, Storehaugen opp og Lærdalsmarknaden. På marknaden har me òg ein stand der me syner oss fram med utstyr og mannskap.

Som frivillig i Lærdal Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser.

Eg vil bli hjelpekorpsar.

For meir informasjon, ta kontakt med:
Lokalforeiningsleiar Monika Lysne
E-post: monika.lysne@laerdal.kommune.no
Telefon: 90516686

Generell informasjon om Hjelpekorpset finn du her.

Lærdal Røde Kors Omsorg gir gjennom besøkstenesta eit tilbod til menneske som kjenner på einsemda.

Ein gong i veka besøker me aktivitetsstova på Lærdal bu og omsorgsheim. Her hjelper me til med ulike aktivitetar, som til dømes bollebaking, avislesing, song og liknande. Her arrangerer me også den årlege «Solfesten» i mars, for å feire at sola kjem tilbake.

Kvar tysdag går me i besøkstenesta runde med handletralla vår på sjukehuset, der me tilbyr aviser, blad, sjokolade og hygieneartiklar – samstundes som me slår av ein prat med pasientane.

Me har alltid rom for fleire frivillige, og høyrer gjerne frå deg om du kunne tenke deg å bli med på laget.

For meir informasjon, ta kontakt med:
Omsorgsleiar Bjørn Skalle
E-post bjorn.skalle@sogn.no
Telefon: 97029449

RØFF er eit tilbod til ungdom i Lærdal som likar friluftsliv og ønskjer å ha ein aktiv livsstil.

Ved å delta i spennande, morosame og utfordrande aktivitetar får medlemene innsikt i arbeidet og verdiane til Røde Kors, i tillegg til trygg opplæring i førstehjelp og redning. RØFF lærer ungdom å ta vare på seg sjølv ute i naturen, å hjelpe andre, og å vise god dømmekraft. Er du mellom 13 og 17 år og har lyst å vere med, eller har du barn som passar skildringa? Ta kontakt.

Vi har alltid bruk for frivillige, og kunne du tenke deg å bruke nokre timar på ungdommane våre, er dette aktiviteten for deg.

Ja, jeg vil bli frivillig i RØFF.

For meir informasjon, ta kontakt med:
Lokalforeiningsleiar Monika Lysne
E-post: monika.lysne@laerdal.kommune.no
Telefon: 90516686

RØFF: Meir informasjon

Ny kultur, nytt språk og eit begrensa kontaktnett. Kort sagt - nye utfordringar. Dette er kvardagen for flyktningar som blir busette i Noreg. Ein flyktningguide kan gjere overgangen lettare. Røde Kors flyktningguide koplar flyktningar som har fått opphald i Noreg, med ein frivillig guide som kjenner lokalsamfunnet. Slik får nybusette flyktningar ein rettleiar og eit nettverk i sitt lokalmiljø.

For meir informasjon om denne aktiviteten, kontakt:
Omsorgsleiar Bjørn Skalle
E-post: bjorn.skalle@sogn.no
Telefon: 97029449

Lærdal Røde Kors inviterer lærdølinger frå heile verda til Møteplassen kafé. Det som i sin tid starta i eit lite, kvitt trehus på Øyri, har flytta til Øyragata 50a, nærare bestemt til Rodi kafé og restaurant sine lokale. Annankvar onsdag samlast innflyttarar og innfødde her for å bli betre kjende. 

Oppskrifta er enkel – ein open møteplass med ein gratis kaffikopp og noko å bite i.  Fast opningstid annankvar onsdag frå 1800-2100, og inkluderande frivillige som syt for at du kjem i prat, uansett kva bakgrunn du har. I tillegg kan me freista med ulike aktivitetar og tema for kveldane, som til dømes darttevlingar, kortspel, og kulturelle og musikalske innslag.

Møteplassen kafé er rett og slett ein stad å høyre heime.

Sjå våre Facebook-sider for meir informasjon, eller ta kontakt med:
Omsorgsleiar Bjørn Skalle
E-post bjorn.skalle@sogn.no
Telefon: 97029449