Luster Røde Kors

I Luster Røde Kors har me ikkje berre eit, men to hjelpekorps. Luster Hjelpekorps og Hafslo Hjelpekorps utfyllar kvarandre, både geografisk og på kompetanse, og saman utgjer våre to korps frivillig samfunnsberedskap i praksis. I vinterhalvåret er me budd på harde tak til fjells, men me er klare til å rykkja ut med personell og redningsmateriell uansett når og kor behovet oppstår.

I Hjelpekorpset tar me trening på høgste alvor, og me gjennomfører større og mindre øvinger jamnleg.

Me kan òg halde førstehjelpsvakt ved idrettstemne, festivalar, konsertar og liknande.

Vil du bli frivillig i Hjelpekorpset?
Som frivillig i Luster eller Hafslo Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser. Nokon kalla det ein gong verdas beste hobby, og me er heilt einige.

Eg vil drive verdas beste hobby.

For meir informasjon, ta kontakt med:

Hjelpekorpsleiar (Luster): Ove Fortun
E-post: ove.fortun@rodekors.org
Telefon: 91534180

Luster Hjelpekorps er óg på Facebook.

Hjelpekorpsleiar (Hafslo): Håvard Espelund
E-post: havard.espelund@rodekors.org
Telefon:  41616146

Hafslo Hjelpekorps er óg på Facebook.

Hjelpekorps: Meir informasjon

Hafslo Omsorg gir gjennom aktiviteten «besøksvenn», eit tilbod til menneske i lokalmiljøet som av ulike grunnar ønskjer nokon å snakke med.

Vil du bli besøksvenn?
Rundt om i landet finst det fleire tusen frivillige besøksvenner som besøker menneske både heime og på institusjonar. Som besøksvenn kjem du i kontakt med menneske som har behov for kontakt med andre menneske, og du bidreg til å gjere kvardagen lettare for einsame i alle aldrar. Dei fleste besøksvenner har éin person dei besøker fast, som regel ein time eller to i veka.

Besøksvennane lagar òg felles sosiale møteplassar som tilstellingar, utflukter, trimgrupper og andre arrangement.

Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.

For meir informasjon om tilbodet "besøksvenn", ta kontakt med:

Omsorgsleiar (Hafslo): Per Jørgen Loen
E-post: per.loen@sogn.no
Telefon: 41530893

Omsorgsleiar (Luster): Ragnhild Sviggum
E-post: ragnhild.sviggum@gmail.com
Telefon: 47259157

Her finn du Luster Røde Kors Omsorg si Facebook-side.

Open kafé er eit tilbod for alle pensjonistar i lokalmiljøet, der du kan sjå fram til musikk, song, loddsal, gode samtalar, noko å bite i, og gjerne eit tema for dagen.

Luster omsorg arrangerar Open kafé på Luster omsorgssenter og på Gaupne omsorgssenter, mens Hafslo Omsorg er arrangør på Hafslo omsorgssenter.

Open kafé vert arrangert siste tysdag kvar månad på Gaupne Omsorgssenter og siste onsdag kvar månad på Luster Omsorgssenter. Det kan vere ein fordel å sjekke Luster Omsorg si Facebook-side for ein stadfesting. Hafslo Omsorg steller til Open Kafé på Hafslo Omsorgssenter siste torsdag kvar månad.

For meir informasjon om Open kafé, ta kontakt med;
Omsorgsleiar (Luster): Ragnhild Sviggum
E-post: ragnhild.sviggum@gmail.com
Telefon: 47259157

Omsorgsleiar (Hafslo): Per Jørgen Loen
E-post: per.loen@sogn.no
Telefon: 41530893

Saman med med Luster frivilligsentral, inviterer Luster Røde Kors årleg til ein familiedag for lustringar frå heile verda.

Me kan freista med ulike aktivitetar for heile familien, som til dømes blindefotball, tautrekking, stolleik, potetløp og natursti. Det vert også kulturelle innslag og servering av mat og drikke.

Tradisjonelt arrangerast familiedagen i midten av september, så du gjer lurt i å følgje med på vår Facebook-side i slutten av august/begynnelsen av september. Invitasjonen vert lagt ut der.

For meir informasjon om dette arrangementet, ta kontakt med;
Lokalforeinigsleiar Linda Goldmann
E-post: mailtogoldmann@yahoo.no
Telefon: 47013690