Vis bildetekst
Opnar møteplass for læringar
Eit tips om at det er få fritids-tilbod for dei mange læringane i Svelgen, gav styret i Svelgen-Bremanger Røde Kors Ungdom ein idé.
I Røde Kors-huset sto eit lokale ledig, og dei tre jentene Sunniva Buset Kristiansen, Ragne Myklebust og Alexandra Acevedo sette i gong å pusse opp. Nokon veker seinare står "Kjeller´n" klar for å ta i mot ungdommar.
- Det er mange lærlingar som kjem til Svelgen frå andre stadar, men her skjer det ikkje så mykje som dei kan vere med på, seier Sunniva Buset Kristiansen, som er leiar i Røde Kors Ung i Svelgen-Bremanger.
Møteplass for ungdom
Folk på bygda har donert møblar og spel, og i "Kjeller´n" er ein kjøkkenkrok og ein TV. Her er alt lagt til rette for ulike aktivitetar.
Styret i Svelgen-Bremanger Røde Kors Ungdom ynskjer at også lokal ungdom skal ta i bruk "Kjeller´n", og at den kan bli eit treffpunkt mellom ungdommar frå Svelgen og læringar som kjem utanfrå.
- Vi har lyst å engasjere ungdommen i bygda og at dei skal sjå at Røde Kors kan vere meir enn berre førstehjelp, men også sosialt og kjekt, seier Sunniva.
Sport eller ingenting
Røde Kors Ung planlegg i første omgang å halde "Kjeller´n" open ein kveld i månaden, men dersom det er behov og ynskje om det, utvidar dei gjerne tilbodet. Dei vurderar også å opne for ungdom i ungdomskulealder på andre kveldar.
- Det var ikkje eit sånt tilbod for oss då vi var yngre, vi hang på leikeplassar og sprang rundt for å leite etter Pokémon, fortel Ragne Myklebust.
Nestleiar i Svelgen-Bremanger Røde Kors, Lise Buset har vore engasjert i forbreding av lokalet og ho er imponert over engasjementet til ungdommane.
- Eg syns det er eit kjempetiltak dei har starta. Eg håpar verkeleg at lokale ungdommar og læringar støttar opp og brukar dette, seier Lise.