Stryn Røde Kors

Stryn Røde Kors Hjelpekorps er frivillig samfunnsberedskap i praksis. Me vert kalla ut av politiet ved større ulukker, naturkatastrofar og når nokon vert meldt sakna. Som Hjelpekorps er me i kontinuerleg beredskap, og kan på kort varsel rykke ut for å delta i søk og redningsaksjonar til lands og til vanns, som til dømes etter raset i Jølster i 2019. I oktober 2019 blei Stryn Røde Kors Hjelpekorps i tillegg godkjend som skredgruppe.

Hjelpekorpset i Stryn Røde Kors er ein læringsarena der alle skal få dei utfordringane dei ynskjer, i eit trygt miljø. Difor tar me trening på alvor, og me gjennomfører jamleg større og mindre øvingar.

Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp.

Vil du bli frivillig i Hjelpekorpset?
Som frivillig i Stryn Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser. Nokon kalla det ein gong verdas beste hobby, og me er heilt einige.

Eg vil bli hjelpekorpsar.

For meir informasjon, ta kontakt med:
Hjelpekorpsleiar Arne Reme
E-post: arne.reme@rodekors.org
Telefon: 91729937

Hjelpekorps: Meir informasjon

Stryn Røde Kors gir gjennom aktiviteten «Besøksvenn» eit tilbod til menneske i lokalmiljøet som av ulike grunnar ønskjer nokon å snakke med.

Vil du bli besøksvenn?
Rundt om i landet finst det fleire tusen frivillige som besøker menneske både heime og på institusjonar. Som besøksvenn kjem du i kontakt med dei som har behov for kontakt med andre menneske, og du bidreg til å gjere kvardagen lettare for einsame i alle aldrar. Dei fleste besøksvenner har éin person dei besøker fast, som regel ein time eller to i veka.

Ønskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.

For meir informasjon, ta kontakt med:
Omsorgsleiar Astri Kyrkjeeide
E-post: astrisin@online.no
Telefon: 48228987

Annankvar torsdag klokken 18, arrangerer me Språkkafé på biblioteket i Stryn.

Her møtest stryningar frå heile verda for å prate og spele spel. Føremålet er å skape ein møteplass som byggjer bru mellom menneske og kulturar. Vil du lære å snakke betre norsk? Eller vil du som snakkar norsk frå før bli kjent med nye menneske og nye kulturar? Då er språkkaféen vel verdt et besøk. Av erfaring veit me at dei enkle aktivitetane er ofte dei beste, difor legg me til rette for til dømes kort- og brettspel. Enkel servering høyrer sjølvsagt med. Det er dessutan god plass til nye frivillige.

Eg vil bli frivillig.

Språkkaféen arrangerast i samarbeid med Stryn kommune, og avgrensast til skulesesongen haust og vår.

For meir informasjon, ta kontakt med:
Lokalforeiningsleiar Per Eilert Ommedal
E-post: post@essostryn.no
Telefon: 90068647

Røde Kors Beredskapsvakt har som målsetjing å kunne mobilisera personar som melder seg til frivillig innsats for lokalmiljøet dersom det skjer ei alvorleg hending.

Aktiviteten beredskapsvakt har til føremål å organisere innbyggjarane i kommunen i forkant av ei alvorleg hending. Røde Kors tilbyr gjennom beredskapsvakt eit lokalt forankra konsept, der innbyggjarane sjølve kan ta del i alvorlege situasjonar ved å hjelpe medmenneska sine med enkle og viktige oppgåver.

Eg vil bli beredskapsvakt.

For meir informasjon, ta kontakt med:
Lokalforeiningsleiar Per Eilert Ommedal
E-post: post@essostryn.no
Telefon: 90068647

Beredskapsvakt: Meir informasjon