Vågsøy Røde Kors
I 75 år har Vågsøy Røde Kors, og våre frivillige, stilt opp for å hjelpe til i lokalsamfunnet. Det tenker me å halde fram med, og då treng me fleire frivillige.
- Adresse
- Postboks 78, 6701 MÅLØY
- Telefon
- 99113471
- E-post
- vaagsoy@rodekors.org
- Nestleder
- Elin Rønhovde
- Leder
- Annette Myre
Vårt mandat
I Vågsøy Røde Kors arbeider me ut frå ynskjet om å skape eit trygt og godt lokalsamfunn, forebygge og respondere for å redde liv, og gje tilbod om sosial kontakt og støtte til dei som treng det. Vil du vite meir om kva det inneber i praksis? Les om dei ulike aktivitetane våre i menyen under, eller besøk Vågsøy Røde Kors si Facebook-side.
Vil du bli med på laget? Som frivillig i Vågsøy Røde Kors kan du engasjere deg lokalt, og føle på gleda ved å hjelpe andre. Om tidsklemma skulle hindre deg, kan me kanskje freista med eit medlemskap? Som medlem gjer du arbeidet vårt mogleg gjennom di støtte. Eit ordinært medlemskap kostar 300 kroner pr. år, eller 150 kroner om du er under 26 år.
Vågsøy Røde Kors Hjelpekorps er frivillig samfunnsberedskap i praksis. Me vert kalla ut av politiet ved større ulukker, naturkatastrofar og når nokon vert meldt sakna. Som Hjelpekorps er me i kontinuerleg beredskap, og kan på kort varsel rykke ut for å delta i søk og redningsaksjonar.
Hjelpekorpset i Vågsøy Røde Kors er ein læringsarena der alle skal få dei utfordringane dei ynskjer, i eit trygt miljø. Difor tilbyr me kurs, og gjennomfører øvingar jamnleg.
Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp.
Vil du bli frivillig i Hjelpekorpset?
Som frivillig i Vågsøy Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser.
For meir informasjon, ta kontakt med:
Hjelpekorpsleiar Torill Kvalheim
E-post: torill.kvalheim@rodekors.org
Telefon: 95128436
Generell informasjon om Hjelpekopset finn du her.
Vågsøy Røde Kors gir gjennom aktiviteten «Besøksvenn» eit tilbod til menneske i lokalmiljøet som av ulike grunnar ønskjer nokon å snakke med.
Vil du bli besøksvenn?
På landsbasis har Røde Kors fleire tusen frivillige som besøker menneske både heime og på institusjonar. Som besøksvenn kjem du i kontakt med menneske som har behov for kontakt med andre menneske, og du bidreg til å gjere kvardagen lettare for einsame i alle aldrar. Dei fleste besøksvenner har éin person dei besøker fast, som regel ein time eller to i veka.
Ynskjer du ein besøksvenn?
Ein besøksvenn kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle.
For meir informasjon, ta kontakt med:
Omsorgsleiar Anne Eikeseth
E-post: vagsoyrk@gmail.com
Telefon: 95474243