Vikane Røde Kors
Vil du engasjera deg lokalt? Ønskjer du ei aktiv fritid? Vil du utgjere ein forskjell? Vikane Røde Kors driv ulike aktivitetar i nærmiljøet, og me vil gjerne ha deg med på laget.
- Adresse
- Hildastranda 36, 6793 INNVIK
- Telefon
- 46297623
- E-post
- malingjerdefredheim@yahoo.no
- Nestleder
- Grethe G. Hilde
Vårt mandat
I Vikane Røde Kors arbeider me med mål om å forebygge og respondere for å redde liv, skape eit trygt og godt lokalsamfunn, og gje tilbod om sosial kontakt og støtte til dei som treng det. Vil du vite meir om kva det inneber i praksis? Les om dei ulike aktivitetane våre i menyen under, eller besøk Vikane Røde Kors si Facebook-side.
Vil du bli med på laget? Som frivillig i Vikane Røde Kors kan du engasjere deg lokalt og føle på gleda ved å hjelpe andre. Om tidsklemma skulle hindre deg, kan me kanskje freista deg med eit medlemskap? Som medlem gjer du arbeidet vårt mogleg gjennom di støtte. Eit ordinært medlemskap kostar 300 kroner pr. år, eller 150 kroner om du er under 26 år.
Vikane Røde Kors Hjelpekorps er frivillig samfunnsberedskap i praksis. Me vert kalla ut av politiet ved større ulukker, naturkatastrofar og når nokon vert meldt sakna. Som Hjelpekorps er me i kontinuerleg beredskap, og kan på kort varsel rykke ut for å delta i søk og redningsaksjonar.
Hjelpekorpset i Vikane Røde Kors er ein læringsarena der alle skal få dei utfordringane dei ynskjer, i eit trygt miljø. Difor tilbyr me kurs, og gjennomfører større og mindre øvingar jamnleg.
Ved ulike arrangement som til dømes festivalar, sportsstevne, konsertar og folketog, kan hjelpekorpset stille som sanitetsvakt. Sanitetsvaktene er utdanna i førstehjelp og har med seg naudsynt førstehjelpsutstyr, samband og transportutstyr, slik at dei straks kan ta seg av folk som treng hjelp.
Vil du bli frivillig i Hjelpekorpset?
Som frivillig i Vikane Røde Kors Hjelpekorps vert du del av ein open og inkluderande organisasjon, og du får moglegheit til å drive med aktivitetar tilpassa di tid, ditt nivå og dine interesser. Det er ikkje heilt utan grunn me kallar det verdas beste hobby.
For meir informasjon, ta kontakt med:
Hjelpekorpsleiar Mona Kleppe Skåden
E-post: monakleppeskaaden@gmail.com
Telefon: 97174517
Hjelpekorps: Meir informasjon
Vikane Røde Kors samarbeider med Olden Raude Kross, og gir gjennom aktiviteten «Besøksvenn» eit tilbod til menneske i lokalmiljøet som av ulike grunnar ønskjer nokon å snakke med.
Ønsker du ein besøksvenn?
Ein besøksvenn er ein Røde Kors-frivillig som kjem heim til deg og slår av ein prat, tek ein kaffekopp, eller blir med deg på tur. Det spelar inga rolle om du er ung eller gamal, om du bur heime eller på institusjon. Einsemd kan råke alle. Ønsker du ein besøksvenn, eller kjenner du nokon som kunne hatt glede av ein besøksvenn, ta kontakt med oss.
Vil du bli besøksvenn?
På landsbasis har Røde Kors fleire tusen frivillige som besøker menneske både heime og på institusjonar. Som besøksvenn kjem du i kontakt med menneske som har behov for kontakt med andre menneske, og du bidreg til å gjere kvardagen lettare for einsame i alle aldrar. Dei fleste besøksvenner har éin person dei besøker fast, som regel ein time eller to i veka.
For meir informasjon, ta kontakt med:
Lokalforeiningsleiar Malin Fredheim Gjerde
E-post: malingjerdefredheim@yahoo.no
Telefon: 46297623